SARRIA. Vecinos do barrio das Insuas de Sarria levaron unha moi desagradable sorpresa ao descubrir hai uns días unha gran acumulación de lixo no garaxe dun edificio, feitos que xa foron postos en coñecemento das forzas de seguridade e de distintos organismos para que tomen medidas ao tratarse dunha cuestión de salubridade, explican.
Os afectados descoñecen a procedencia de tal cantidade de residuos, que apareceron apilados no garaxe do edificio número 128 da rúa Matías López. Segundo sinalan, os inquilinos do inmueblen levan polo menos un ano sen poder usar o garaxe por ter a porta bloqueada, pero a pasada semana alguén procedeu á súa apertura e foi entón cando se destapou esta grave situación.
No interior do garaxe hai unha zona na cal o lixo alcanza unha considerable altura e incluso impide o acceso a unha porta que figura como «saída de urxencia». Colchóns, un carriño da compra, o parque dun bebé, bolsas con roupa, calzado, plásticos e todo tipo de obxectos e residuos atópanse alí acumulados.
Segundo comentan, o problema é que descoñecen quen é o propietario do edificio ao ter como único contacto para temas de aluguer e demais xestións unha oficina situada en Almería.
Os veciños xa trasladaron os feitos á Garda Civil, que fixo un informe respecto diso, e esperan que desde o Concello movan ficha. Tamén contactaron co departamento de Sanidade e co xulgado de Sarria, din.
A situación resulta preocupante porque nas proximidades atópase un centro asistencial e porque a zona é frecuentada por persoas maiores e nenos.
