A localidade de Sarria queda este ano sen o concurso de tapas Tapicheo. O Concello decidiu suspendelo ante a crise sanitaria do coronavirus.
O certame ten lugar na ponte da Constitución e celebraría xa a súa décimo cuarta edición. Ante a pandemia, as restricións e a incerteza sobre a súa evolución, o Concello optou por non organizalo.
Centos de persoas, desde cuadrillas de amigos ata familias, gozan cada ano da gastronomía nos establecementos hostaleiros nesta cita fixa no calendario de Sarria. Na pasada edición participaron 25 negocios que ofreceron outras tantas propostas. Como novidade, algúns dos locais presentaron tamén tapas dirixidas especialmente aos nenos. Lvos pratos sérvense habitualmente de 20.00 a 23.00 horas, aínda que poden facelo, ademais, de 13.00 a 15.00.
Os clientes e un xurado profesionais foron o pasado ano os encargados de elixir las tres mellores propostas, que recibiron os seus premios, como é costume, na gala da hostalería da comarca. Entre os clientes que depositaron os seus votos sorteáronse varios agasallos.
