Os cribados realizados polo Sergas a finais da semana pasada nas localidades lucenses de Sarria e Quiroga, nos que foron sometidas a probas PCR case 1.500 persoas, deixaron como resultado un único positivo por covid-19.
Segundo informou o propio Sergas, en Quiroga foran citadas para ese cribado 469 persoas, aínda que finalmente só 320 acudiron para ser sometidas ás probas PCR, cunha porcentaxe de participación do 68,2 %.
Nese cribado, só foi detectado un positivo, cunha taxa de positividad do 0,31 %.
En Sarria, finalmente, acudiron para participar no cribado 1.117 persoas, das 1.484 que foran citadas, cunha porcentaxe de participación do 75,26 %.
Nese cribado, que foi realizado ao longo de varios días, non foi detectado ningún positivo.