O Concello sarrián renovará o pavimento da chaira do campo da feira. As obras fináncianse con cargo a unhas modificacións de crédito aprobadas polo pleno o pasado mes de maio, coas que tamén se custeará o arranxo do firme de catro rúas da localidade.
A actuación, á que se destinan 25.577 euros, supón mellorar a imaxe desta zona do campo da feira, a cal é
O firme do lugar presenta unha deterioración importante, con numerosas fochancas e gretas que dificultan o tránsito dos automóbiles. Ante este mal estado realizarase un varrido e limpeza do pavimento existente, tras o que se executará unha rega de adherencia. Para rematar, segundo contempla o proxecto da obra, aplicarase un novo firme cunha mestura bituminosa en quente.
Xunto á chaira do campo da feira sitúase a Rúa do Castelo, cuxo pavimento tamén será renovado. A vía, que comunica cale Conde de Lemos co xulgado de primeira instancia e instrución, atópase en moi mal estado de conservación, con numerosas fochancas. A calzada é de dobre sentido, aínda que non están definidos os carriis. Neste caso mellorarase o firme e dotará de sinalización horizontal.
As mesmas actuacións realizaranse noutras tres rúas da vila sarriá. O Concello actuará en strong <>Rosalía de Castro, Pai Sarmiento e Frei Luís de Granada con Murallón. Trátase de vías da parte alta da localidade, nas proximidades da Rúa Maior, que teñen o firme moi deteriorado.
As obras na chaira do campo da feira e estas catro vías atópanse en proceso de adxudicación e a previsión do Concello é que poidan acometerse pronto.
Todas estas obras custéanse con cargo a unhas modificacións de crédito aprobadas en maio por un total de 2,8 millóns de euros, dos que 617.000 resérvanse para obras de aglomerado en quente tanto en pistas do rural como no centro urbano de Sarria.
