O Concello de Sarria dedicará 117.000 euros a comprar a denominada Casa da Carmiña e un terreo anexo co fin de
Ante a carencia de orzamentos actualizados, a compra destas propiedades financiarase cunha modificación de crédito que xa foi aprobada polo pleno o pasado mes de agosto.
O expediente iniciado para ese efecto explica que, por parte dos titulares dos bens, presentouse oferta de compravenda ao Concello o 29 de xullo por importe de 100.000 euros a vivenda con horta e 17.000 a parcela anexa, cunha edificación en ruína.
O Concello ve nestas ofertas "unha oportunidade" para dispoñer de terreos de cara a unha ampliación do consistorio dado que se atopan contiguos a leste. Ao mesmo tempo, permitirán "dar solución á situación estética e urbanística da zona, mediante a eliminación de medianeira e completar a mazá aberta", di.
O pleno sarrián xa se pronunciou de forma unánime en outubro de 2017 a favor da compra destas propiedades
"As ofertas económicas que se realizan condensan unha oportunidade dende o punto de vista económico para este Concello, que pode empregar para unha finalidade necesaria e tamén demandada no ámbito das súas competencias de mellora nos equipamentos da súa titularidade", engade.
A vivenda en cuestión dispón dun solar dedicado a horta e, no PXOM que non chegou a aprobarse de forma definitiva, xa figuraba como un sistema xeral de equipamentos. Pola súa banda, no plan especial do centro histórico, que tamén quedou na fase de aprobación inicial, aparecía como área de actuación para ampliación de instalacións municipais.
A compra desta propiedade, situada na Travesía dos Fornos, motivara en outubro do ano 2017 un acordo plenario unánime por parte da corporación. Ademais, consta unha valoración da arquitecta municipal de 2016 na que taxa a vivenda en 94.126 euros e unha contraoferta da propiedade en 2017 de 101.500 ata alcanzar finalmente o acordo de 100.000 euros, aos que se suman 17.000 por outra parcela.
