A Confederación Hidrográfica do Miño-Sil (CHMS) cortará varias árbores do paseo do Malecón de Sarria que presentan risco de caer sobre a rúa, segundo asegurou a alcaldesa, Pilar López.
Uns técnicos do organismo de conca comprobaron este mércores o estado dos exemplares entre Ponte Ribeira e a rúa Calvo Sotelo. "Polo menos oito" atópanse inclinados e corren o perigo de precipitarse sobre a rúa, co risco que supón para os viandantes. A rexedora sinalou que, unha vez que sexa elaborado o informe sobre o estado das árbores, a Confederación Hidrográfica solicitará permiso á Dirección Xeral de Patrimonio Cultural para poder tallalos.
Cando obteña a autorización cortaranse, así como aqueles que se atopan secos. O organismo de conca, dixo, xa dispón do permiso da Administración autonómica para sacar "os secos e para 'ramear'" . "Van retirar todos xuntos porque ou acceso é complicado", aclarou Pilar López.
O estado dalgunhas árbores do paseo do Malecón xa provocou queixas dos veciños no pasado. Foi o caso dun situado xunto á pasarela que comunica cun hotel, o cal estaba inclinado. Con todo, xa foi retirado. Algúns exemplares tamén chegaron a caer sobre o mesmo canle, aínda que en ningún caso provocaron danos materiais nin danos persoais.
A Confederación Hidrográfica do Miño-Sil levou a cabo en semanas pasadas a talla dalgunhas árbores en mal estado e a limpeza de ramas nas marxes do río Sarria, entre a estación depuradora de augas residuais (Edar) e a ponte da Rúa Castelao. O Concello sarrián xa solicitou o pasado verán ao organismo de conca que limpase as canles na localidade, asunto que foi tratado no transcurso dunha xunta de goberno local.
RUTA DAS ACEAS. Desta actuación de limpeza que leva a cabo a CHMS só quedan pendentes de retirar aqueles que se atopan en mal estado no paseo do Dique, así como na ruta das Aceas, afirmou a alcaldesa.
Nesta última zona caeron exemplares e unha gran cantidade de ramas a causa do temporal ocorrido o pasado mes de outubro. Segundo manifestou a rexedora, a Confederación Hidrográfica non puido retiralos por agora polo caudal do río.
