O sindicato CXT denunciou que Adif privatiza os servizos de venda de billetes, atención ao viaxeiro e información das estacións de tren de Sarria, Guillarei (Pontevedra), O Carballiño (Ourense), Ribadavia (Ourense).
Nun comunicado, o sindicato censura que esta privatización se produce porque Adif "négase a contratar novo persoal que faga este traballo".
"O seguinte paso será o peche dos gabinetes de circulación destas estacións, deixando a liña convencional Ourense-Compostela, Monforte-A Coruña e Redondela-Ourense sen persoal nos seus gabinetes de circulación e con tan só o persoal da empresa privada que se adxudique a licitación agora iniciada", avisa.
Recorda que en maio de 2018 "tocoulle" ao Barco e A Rúa, primeiras estacións galegas que sufriron a privatización da información e venda de billetes e agora é a quenda destas estacións. A estas únense outras estacións fóra de Galicia como Viana (Valladolid), Peñaranda de Bracamonde (Salamanca), Sahagún (León) e Astorga (León).