Preto de 200 persoas participaron na gala anual da Cruz Vermella da Sarria celebrada na noite deste sábado na sociedade A Unión e dedicada este ano a recoñecer o destacado labor "cultural, social e solidaria" realizada pola asociación Meigas e Trasgos.
O presidente da entidade benéfica, Jaime Capellá, subliñou non só o traballo de Meigas e Trasgos dentro de Sarria senón tamén a súa proxección exterior con eventos como Noite Meiga, que xa cumpriu 50 anos de vida.
A presidenta do colectivo homenaxeado, Belén Fernández, agradeceu "enormemente" este recoñecemento "á longa traxectoria, moitas veces pouco doada, dá nosa asociación" e quixo recordar a todas as directivas, socios, colaboradores e á fundadora, Carmela González Ruiz.
Os grupos de música e baile de Meigas foron os encargados de amenizar a celebración.
