O campo de fútbol municipal de Paradela, O Gandarón, estreou este domingo o novo céspede natural, que foi instalado cunha axuda da Deputación Provincial de Lugo de 21.000 euros.
As obras consistiron na nivelación do terreo de xogo, o levantamento do céspede que había e seméntaa dun novo, ademais da ampliación do sistema de rega.
O campo é utilizado polos xogadores da SD Paradela, que milita en terceira autonómica, e do equipo de veteranos do municipio.
A reforma foi inaugurada en presenza da deputada Sonsoles López, que fixo o saque de honra; o presidente da SD Paradela, Roberto López; e o alcalde, José Manuel Mato.
O terreo de adestramento tamén será acondicionado mediante un convenio coa Deputación, que financiará con 50.000 euros a dotación de herba artificial.