O Concello de Sarria, a iniciativa dos empresarios de San Xulián da Veiga, promove unha modificación puntual das Normas Subsidiarias do Planeamento Urbanístico co fin de
Segundo explica un dos impulsores desta iniciativa, o cambio nas Normas Subsidiarias conta co consenso da totalidade de propietarios das once naves situadas nesta contorna, ademais do matadoiro comarcal, que quedará contemplado como ben patrimonial do Concello de Sarria.
Trátase de utilizar os mecanismos legais vixentes para crear unha bolsa duns 29.000 metros cadrados de solo urbanizable e recoñecer desta forma "unha realidade empresarial que xa existe" en San Xulián desde a década dos 90 ou incluso antes, sinala.
O propósito é crear unha bolsa duns 29.000 metros cadrados de solo urbanizable
A modificación do planeamento atópase na fase de solicitar os preceptivos informes previos de distintos organismos. Se todo marcha segundo o previsto, podería estar aprobada de forma definitiva cara a mediados ou finais do próximo ano, dado que adoitan ser tramitacións longas.
A memoria elaborada para este fin recorda que o Concello de Sarria só dispón de dous ámbitos legalmente habilitados para acoller solo de uso industrial e comercial a ampla escala, que son
Ante esta situación, foron xurdindo usos industriais noutros emprazamentos. Ao recoñecer como tal o de San Xulián preténdese integrar este asentamento na legalidade urbanística vixente e xerar chan industrial "nun municipio con severas carencias do mesmo". De feito, e segundo o documento, o solo neto de uso industrial dispoñible en Sarria "resulta, de xeito evidente, insuficiente para as necesidades do quinto municipio en poboación da provincia e que exhibe un nivel de actividade e dinamismo económico moi superior á media provincial".
Naquela ocasión, tamén se puxo en marcha unha modificación das Normas Subsidiarias para regularizar a situación da decena de naves deste polígono, situado a 2,6 quilómetros do centro urbano de Sarria e con acceso desde a LU-546, nas proximidades da rotonda que vai ao corredor.
Ampliación
O procedemento iniciado en Betote culminou non só co recoñecemento do asentamento —que data dos anos 90 e ocupa 4,5 hectáreas—, senón tamén coa posibilidade de amplialo en tres hectáreas máis cara ao leste, favorecendo así a expansión das empresas existentes ou a implantación de novos proxectos.
No caso de San Xulián da Veiga as naves actuais atópanse bastante concentradas, polo que as opcións de ampliación da área son menores.
