Os bombeiros do parque comarcal de Sarria rescataron na tarde deste martes a unha veciña da localidade, de idade avanzada, que sufrira unha caída no cuarto de baño da súa vivenda, situada na rúa Diego Pazos.
O suceso produciuse sobre as 16.30 horas, nun domicilio desta céntrica vía, no seu tramo comprendido entre A Ciguñeira e a rotonda da Pontevella.
Os bombeiros recibiron un aviso a través do 061 requirindo a súa presenza para auxiliar a unha muller que non podía moverse.
Segundo informáronlles, a sarriá sufrira unha caída no seu cuarto de baño, de modo que quedou apoiada contra a porta de acceso a esta estancia. Esta situación obrigou aos bombeiros a cortar a porta para poder axudar á afectada, que se atopaba entumecida e con dores.
O home foi trasladado ao hospital Lucus Augusti con síntomas de hipotermia e deshidratación
Tras o seu rescate, foi trasladada nunha ambulancia ata un centro médico para recibir asistencia. Descoñécese canto tempo levaba nesa situación.
Ata o lugar do incidente desprazouse tamén unha patrulla da Policía Local de Sarria, mobilizada polo servizo de urxencias 112 Galicia.
Hai só uns días, os axentes deste corpo sarrián auxiliaron a outro veciño, de 86 anos de idade, que vive só e que pasou varios días tirado no corredor da súa vivenda, na rúa Pascual Veiga da vila, sen poder moverse.
O home foi trasladado ao hospital Lucus Augusti con síntomas de strong <>hipotermia e deshidratación. Un matrimonio que acudía á casa do octoxenario para realizar labores de limpeza foi quen deu a voz de alarma ao escoitar quejidos e peticións de axuda por parte do ancián.
Este veciño explicou que caera da cama e que, ao non poder levantarse, foise arrastrando polo corredor ata a porta de entrada á vivenda.
