O bar Barullo da Praza de Galicia de Sarria instalou un belén de seis metros de longo na barra, xa que esta non se pode empregar polo covid. O negocio, propiedade dunha familia de valencianos, quixo representar o Camiño de Santiago e reivindicar Ponte Ribeira.
Tamén o restaurante Mariñeiro de Ribadeo ideou este Nadal unha rompedora solución para animar a súa clientela e persuadir a aqueles cuxas costumes pasan por consumir en barra, polo que o mostrador do local converteuse en escenario dun completo belén. Nel non falta ningún dos personaxes destas datas, pero tampouco outros detalles singulares, como o feito de contar cun río con auga de verdade.
