Os casos positivos por coronavirus aumentaron de 7 a 24 entre os usuarios das residencias de discapacidade da comunidade autónoma as últimas horas, segundo os datos recollidos no boletín do Sergas.
Destes 24 casos positivos, 21 usuarios pertencen ao Fogar e Clínica de San Rafael de Vigo, 2 RGA Valverde de Allariz e 1 ao CAPD de Sarria.
Nas residencias de maiores galegas contabilízanse este venres 21 casos, un menos que no último reconto. Dos 21 casos en centros da terceira idade de Galicia, 18 son usuarios da residencia Santo Estebo de Perlio en Fene, 2 en Bo Día Magnolio de Vigo, e 1 caso na residencia de Val do Dubra.
