Un amplo dispositivo mobilizouse na tarde deste martes en Sarria por unha persoa que lanzou unhas cadeiras desde un piso xunto ao río.
Un veciño foi o encargado de dar a voz de alarma ás 15.00 horas logo de ver ao home, que ao parecer sofre problemas psiquiátricos, tirar o mobiliario desde unha fiestra. Segundo díxolles, en anteriores ocasións xa lanzou unha televisión e un computador.
Os obxectos acabaron xunto ao paseo do río, nas inmediacións de Ponte Ribeira. Ata o lugar desprazáronse a Garda Civil, a Policía Local, os bombeiros do parque comarcal, unha ambulancia do 061 e persoal sanitario.
Os bombeiros abriron a porta para permitir o acceso dos corpos de seguridade e os sanitarios. Ao principio o home negábase a abandonar o piso, pero finalmente convencérono e saíu polo seu propio pé para ser trasladado ao Hula.
