sábado. 06.06.2020 |
El tiempo
sábado. 06.06.2020
El tiempo

Afeccionados ás Harley Davidson de toda Galicia celebran un encontro en Sarria

Participantes na concentración, ao seu paso por Oural. EP
Participantes na concentración, ao seu paso por Oural. EP
Uns 150 moteiros participaron no evento, que incluíu unha ruta por varios concellos

Uns 150 moteiros de toda Galicia participaron en Sarria nunha concentración de Harley Davidson, que foi organizada por décimo ano consecutivo polo veciño Manuel Díaz Pontón.

O promotor do evento, da Zapatería Manolo da vila, programou para a ocasión unha ruta por varios puntos da provincia como Monforte de Lemos, Paradela ou Portomarín, celebrada o pasado domingo. Segundo explica, trátase da concentración deste tipo de motos máis numerosa de cantas se organizan en Galicia.

Ata Sarria achegáronse afeccionados ás Harley Davidson pertencentes aos clubs Chapter Galicia e A Coruña, a quen a choiva que fixo acto de presenza non lles impediu gozar da xornada de confraternidade.

Os participantes fixeron un alto no camiño no núcleo de Oural e tamén se achegaron ata o local O Meigallo, no parque do Chanto. A comida celebrouse nun establecemento de hostalería de Vigo de Sarria.

Afeccionados ás Harley Davidson de toda Galicia celebran un...
comentarios