Un octoxenario do municipio da Láncara achado sobre as sete da mañá deste sábado logo de pasar 14 horas desaparecido. Aparentemente atopábase en bo estado e foi evacuado ao hospital de Lugo por unha ambulancia.
O home faltaba da súa casa de Bustelo desde as cinco da tarde deste venres. A súa muller foi a encargada de dar a voz de alarma ao non atopalo na vivenda, tras o que se iniciou un amplo dispositivo no que participaron Garda Civil, Protección Civil, veciños, traballadores municipais e membros do goberno local encabezados polo alcalde, Darío Piñeiro.
O dispositivo prolongouse ata as cinco da madrugada, aínda que continuou de vixilancia a Benemérita.
O fillo do octoxenario atopouno nunha leira a uns catro quilómetros da casa. O home estaba co seu pequeno can.
