Uns 70 nenos e mozos de sete a 17 anos participan estes días, ata este día 18, na primeira quenda do campus Baloncesto no Camiño, que organiza o CB Sarria en colaboración co Concello.
Os participantes, chegados non só de Sarria, senón de diferentes puntos do país como Xixón, Oviedo, Ceuta, A Coruña, Betanzos ou Ourense, divídense en seis grupos por idades e adestran en pistas ao aire libre, ademais de hospedarse en Casa Barbadelo.
O seguinte grupo desta décimo terceira edición do campus, formado por outros 70 participantes, estará a partir do domingo ata o 25 deste mes en Sarria.
