Galicia será unha das comunidades autónomas que participará na elaboración do primeiro censo do oso pardo que habita nas rexións da cordilleira cantábrica. Así, xunto con Asturias, Cantabria e Castela e León, baixo a coordinación do Ministerio para a Transición Ecolóxica e co asesoramento do CSIC e a Universidade Autónoma de Barcelona, levará a cabo por primeira vez un estudo en tal sentido. Desde a Xunta destacaron que este traballo supón un gran reto para a xestión dunha especie en perigo de extinción que require a colaboración de todos.
A Administración galega sumouse a este proxecto ao ser coñecedora que desde fai uns poucos anos avistáronse osos pardos no espazo Life Os Ancares-Courel.
O director da estación científica do Courel, Antonio Rigueiro, sinalou que o asentamento de osos na serra courelá limítase, polo momento, a dúas ou tres exemplares, pero que esta poboación é maior e está máis asentada en strong<> Os Ancares.
Rigueiro, que é catedrático do departamento de Produción Vexetal da Universidade de Santiago de Compostela, engadiu que a presenza destes animais na Serra do Invernadoiro (Ourense) "é moi positiva de face ao asentamento da especie nas serras orientais de Galicia, onde tiveron unha importante presenza noutros tempos".
Tamén cualificou de moi importante o traballo desenvolvido ao amparo do proxecto Life OsoCourel. Segundo dixo, este plan serve, entre outros obxectivos, para sensibilizar aos veciños dos beneficios socioeconómicos que pode reportar a presenza dos plantígrados na zona, sobre todo, desde o punto de vista ambiental e turístico, sen afectación á actividade agrogandeira do lugar.
