Ribeira Sacra
Gañar a partida ao coronavirus
O xulgado do contencioso-administrativo número dous de Lugo anulou os servizos mínimos decretados polo Concello de Chantada ás traballadoras da Axuda non Fogar (SAF) durante a folga pola privatización do servizo. A administración estableceu un 94,13% da actividade, porcentaxe que se considerou excesivo.
A sentenza sinala que ditos servizos mínimos "fan ilusorio o dereito a folga" ao estar moi próximos ao cento por cento. Tamén subliña que o criterio do goberno municipal para implantalos "non é moi convincente".
A xustiza determinou que aínda que os usuarios do SAF fosen, segundo determinou o Concello, maioritariamente dependentes "é certo tamén que non todos teñen as mesmas necesidades, autonomía para defenderse ante eventualidades nin a mesma axuda familiar para liquidar esta circunstancia".
Ademais, a sentenza apunta unha "falta de estudo das circunstancias persoais de cada prestatario" antes de strong<> fixar a porcentaxe de servizos mínimos. O xulgado matiza que non hai probas "de que a perturbación da axuda no fogar pola folga puidese frustar totalmente o dereito ou producir nel resultados irreversibles".
As traballadoras do SAF mostráronse desde o principio moi desconformes coa porcentaxe de actividade a manter durante o paro
Por estes motivos, o decreto municipal que fixaba os servizos mínimos do SAF durante a folga no 94,13% queda anulado. Así mesmo, o Concello foi condenado a pagar un total de 800 euros en custos procesuais.
As traballadoras do SAF mostráronse desde o principio moi desconformes coa porcentaxe de actividade a manter durante o paro. Aínda que recoñecen, como recolle a sentenza, que o seu é un traballo considerado esencial, non dubidaron ao subliñar que os servizos mínimos impedíanlles seguir a folga.
O xulgado recordou que no seu momento non accedeu á proposta da parte demandante de modificar "ao seu favor a proporción ordenada pola administración". Cambiou de opinión ao analizar "o fondo do asunto, con todos os datos a disposición".
