As exportacións dos viños da denominación de orixe Ribeira Sacra baixaron o pasado ano con respecto a 2018 en once países. Non foi unha diminución escandalosa, pero si significativa, pois foron case 51.000 litros menos. En 2019 saíron a diferentes países do mundo 162.984 litros.
É a cifra máis baixa desde o ano 2015, cando se produciu o boom dos caldos da comarca por mor de que comezasen a saír reflectidos nos postos máis altos da guía do catador con máis prestixio a nivel mundial, o estadounidense Robert Parker.
Grazas a el e ao bo facer dos adegueiros da zona os números foron aos poucos crecendo ata chegar ao
Alemaña e Dinamarca son dous destinos nos que os caldos da zona subiron en número de vendas, como en Canadá
A lista de países onde as vendas baixaron non é pequena. Nela están Finlandia (de 7.272 litros pasouse a 1.170), Francia (de 4.721 a 2.599), Holanda (de 3.650 a 2.647), Irlanda (de 3.298 a 1.609), Italia (de 1.432 a 869), México (de 5.792 a 1.123), Rusia (de 5.666 a 450), China (de 17.958 a 8.500), Bélxica (de 6.331 a 1.928) y Australia, onde se en 2018 se venderon 7.000 litros o pasado ano só se serviron 3.452.
OPTIMISMO. Estes son os datos negativos, pero hai outros positivos, como o lixeiro incremento das exportacións a Alemaña e outro que invita o optimismo, o caso de Dinamarca, onde se pasou de vender unicamente 720 litros en 2018 a enviar 3.962 o pasado ano.
Canadá é outro país no que se repunta (de 5.064 litros pasouse a 11.111), Xapón (de 1.610 a 4.886), Noruega (de 13.350 a 23.944) ou Reino Unido, ata onde chegaron o pasado ano 17.460 litros, case 50.000 máis que en 2018.
SEN PRESENZA. Austria é un país no que non houbo presenza dos Ribeira Sacra, como tampouco na República Checa ou nos Países Baixos. Eran tres destinos onde se vendía pouco, pero lonxe de subir os consumos estes quedáronse totalmente a cero.
Gran demanda
Valencia é a comunidade que máis demanda os viños da zona, con 153.000 litros vendidos. A continuación esta Madrid, con 71.000.
O presidente do consello regulador da denominación de orixe Ribeira Sacra, o soberés José Manuel Rodríguez González, mostrou a súa cautela sobre os datos referidos ás exportacións e ante os xerais que fan referencia ao territorio nacional. Sobre iso, asegurou que os adegueiros non están obrigados a realizar unha declaración xurada das súas vendas, senón que os números achegados se fan voluntariamente e que algunhas adegas os dan e outras non.
O presidente da denominación di que as declaracións son voluntarias
Así, subliñou que os datos estatísticos que o consello publica na súa páxina web non teñen porque coincidir coa realidade. Por iso, José Manuel Rodríguez manifestou que sería interesante, incluso necesario, levar a cabo un rexistro fiable de vendas en España e o estranxeiro co fin de coñecer como evolucionan os mercados, deixando atrás a boa vontade dos adegueiros á hora de achegar cifras.
Rodríguez puxo sobre a mesa un dato. En 2018 embotelláronse 400.000 litros máis que o ano anterior. Ao seu xuízo, iso significa que se vende máis, tanto dentro como fóra de España; polo que incidiu no feito da non obrigatoriedade das adegas para dicir onde mandan os seus viños.
José Manuel Rodríguez estivo este mércores na feira gastronómica Xantar que se celebra en Ourense, onde os Ribeira Sacra estarán presentes no Túnel do Viño, en concreto 16 caldos pertencentes a dez adegas. Ademais haberá uns talleres gastronómicos.
