Os viños da denominación de orixe Ribeira Sacra foron distinguidos con 13 medallas, cinco delas de ouro, no XXVI Concurso Internacional Mondial deas Vins Extremes, organizado polo Cervim, que se celebra entre os días 12 e 14 de xullo no Val d'Aosta (Italia).
O consello regulador afirma nun comunicado que estes premios supoñen un "a consolidación" e o "recoñecemento" para a Ribeira Sacra "no panorama internacional", dado que ao certame foron presentados 720 viños, elaborados por 277 produtores de 19 países diferentes.
Das 720 mostras, 58 procedían da Ribeira Sacra e fixéronse con 13 medallas.
Na categoría de viños brancos gañaron a Medalla de Ouro Almalarga, de Pantón; Viña Vella, do Saviñao; e Meiga, de Monforte de Lemos; mentres que en tintos conseguiron o máximo recoñecemento Viña Mesquita, de Sober; e Vía Romana, de Chantada.
A cerimonia de entrega de premios celebrarase no Palazzo Madama, en Turín, o 23 de setembro.
