Unha avaría técnica obrigou este xoves aos pasaxeiros dun tren que cubría o traxecto entre Monforte e A Coruña a realizar en autobús a primeira parte da viaxe, ata Lugo. Atendendo á información de Renfe, o convoi afectado foi o primeiro da xornada —un servizo de media distancia que debe partir de Monforte ás 7.30 horas— e os seus ocupantes puideron completar o desprazamento en tren desde a capital lucense.
08:15 Debido a una avería técnica:
— InfoRenfe (@Inforenfe) August 6, 2020
- Media Distancia 12641 Monforte de Lemos-A Coruña, realiza el trayecto Monforte de Lemos-Lugo por carretera. De Lugo a destino, en tren.
- Media Distancia 12644 A Coruña-Ourense realiza el trayecto Lugo-Ourense por carretera.
Tamén realizaron parte da viaxe en bus os ocupantes doutro tren de media distancia A Coruña-Ourense. Neste caso o tramo afectado foi o de Lugo á cidade das Burgas.