Un incendio na Avenida de Galicia mobilizou na mañá deste sábado os bombeiros do parque comarcal de Monforte. O lume produciuse no cuarto piso do edificio onde se sitúa a delegación de El Progreso na cidade.
As chamas, que xa foron sufocadas, declaráronse nun balcón e provocaron unha grande expectación, pois a zona é moi céntrica e transitada. Interviñeron tres camións de bombeiros, polo que foi necesario regular o tráfico. Tamén se desprendeu algún material desde o balcón á rúa. Non se produciron feridos.
As causas do incendio aínda non están claras. Algunhas fontes apuntaron que no piso había polo menos dúas persoas. Un equipo de sanitarios desprazouse por se era necesario prestar asistencia sanitaria.
