68-67. O Ucoga CB Chantada pecha a fase de ascenso cun triunfo

Seguros Ucoga CB Chantada Ensino sacou a súa mellor versión tras quedar sen posibilidades de competir polo ascenso á LEB Prata e pechou a fase co seu único triunfo en tres encontros, ao imporse por un punto (68-67) ao Mataró onte en Salou. Os chantadinos terminan a fase na terceira praza, mentres que o Fuenlabrada proclámase campión e sobe á LEB Prata.

O encontro do sábado foi tremendamente nivelado durante os dous primeiros cuartos, pero o Ucoga saíu do descanso enchufado para completar os mellores 10 minutos en Salou, logrando un parcial de 12-0 deixando sen anotar aos cataláns durante cinco minutos. A pesar diso, o Mataro puido salvar os mobles e achegouse a nove puntos (57-48) ao final do terceiro cuarto.

Cando o partido parecía decidido a favor dos xogadores de Alberto Fafián, o Mataró reaccionou ao apostar polo xogo interior e forzar faltas persoais. Os cataláns incluso conseguiron porse por diante a falta de 4 minutos (60-61), pero un triplo de Adrián López devolveu a dianteira aos chantadinos. A partir de aí, o partido entrou nunha continuo toma e daca con alteracións no marcador, pero o Ucoga mantivo a calma para facerse co triunfo.