Unha muller resultou ferida ao ser atropelada este luns pola tarde por unha furgoneta en pleno centro de Chantada. Ocorreu na Rúa Leonardo Rodríguez sobre as 20.30 horas. A vítima foi trasladada en ambulancia.
O suceso tivo lugar nunha das rúas máis transitadas do municipio, a unha hora na que adoita reunirse moita xente nas terrazas dos locais de hostalería. É unha rúa peonil, pero as furgonetas adoitan entrar a realizar labores de carga e descarga nos múltiples negocios instalados na vía, como neste caso.
Testemuñas cuestionadas por este diario relataron que ao dar marcha atrás, o condutor da furgoneta non viu pasar á muller e arroiouna. O 112 mobilizou aos servizos asistenciais do 061, que trasladaron á vítima.
Fontes consultadas por este diario sinalaron que a muller non perdeu o coñecemento, pero presentaba un forte golpe.