jueves. 19.05.2022 |
El tiempo
jueves. 19.05.2022
El tiempo

Catro traballadores da residencia de Chantada dan positivo

Personal sanitario realiza un cribado en Lugo. VICTORIA RODRÍGUEZ / ARCHIVO
Personal sanitario realiza un cribado en Lugo. VICTORIA RODRÍGUEZ / ARCHIVO
Por outra banda, o alcalde de Láncara informou de que seis membros dunha brigada de obras municipal estaba en corentena a raíz do contacto dun deles cun caso positivo

Chantada é un dos concellos onde se rexistrou un incremento rechamante de positivos nos últimos días, pasando de cinco a 20 casos nunha soa semana.

A razón é unha suma de brotes familiares, que están a ser rastrexados e que non se expoñen como de especial preocupación. Entre os positivos detectados nos últimos días figuran os de strong<> catro traballadores da residencia de terceira idade. Un cribado xeral a todo o centro xeriátrico non atopou caso algún entre os usuarios.

Tamén se rexistraron casos en, polo menos, un centro de Secundaria do municipio, o que igualmente propiciou cribados entre o persoal e os alumnos das clases afectadas.

RELACIÓN CON OURENSE. A estreita relación dos chantadinos con Ourense podería estar detrás dese aumento de casos. Percíbese tamén noutros concellos da zona sur da provincia como Monforte, que pasou de 3 a 14 casos activos, ou O Saviñao, que sumou nove casos no transcurso da última semana.

BRIGADA DE LÁNCARA. O alcalde de Láncara informou este luns de que seis membros dunha brigada de obras municipal estaba en corentena a raíz do contacto dun deles cun caso positivo. Tamén asegurou que este martes realizaráselles un cribado, organizado polo Concello, con carácter preventivo.

Catro traballadores da residencia de Chantada dan positivo