O Consello Regulador da Denominación de Orixe Ribeira Sacra celebra os días 4 e 5 de xullo a Precata e Cata dos Viños de Ribeira Sacra, á que se presentaron este ano un total de 67 mostras, que pertencen a 31 adegas, das cales 32 son de viños tintos e 17 de brancos.
Poden participar na Cata os viños elaborados por adegas inscritas nos rexistros da denominación de orixe Ribeira Sacra que se atopen nestes momentos en fase de comercialización.
Nas categorías de Brancos e Tintos establécense 3 premios: Medalla de Ouro, Medalla de Prata e Medalla de Bronce. En categoría de strong <>Outras Anadas establécense 2 Medallas de Ouro, ao superar as 14 mostras participantes.
A entrega de premios farase o día 5 de xullo, coincidindo co final da Cata e no marco da comida de confraternidade que organiza o Consello Regulador do D.O. Ribeira Sacra no Balneario de Pantón.
En canto ao panel de cata, estará formado por once expertos enólogos e catadores.
