As tormentas rexistradas na Montaña e a zona sur de Lugo e no norte de Ourense descargaron preto de 110 raios desde primeira hora da mañá deste xoves.
Os tramos de maior actividade foron entre as 08.00 e as 10.00 desta mañá e entre as 14.00 e as 18.00 horas, sobre todo, aínda que a incidencia do adverso meteorolóxico foi "menor" da esperada, segundo engaden fontes de Meteogalicia a Europa Press.
Nas zonas de montaña rexistráronse chuvascos tormentosos, pero non en abundancia, e algo de saraiba á primeira hora en Lugo.
A alerta por tormentas afectou a Asturias, Cantabria, Burgos, Palencia, Segovia, Soria, Valladolid, Zamora, Navarra, Álava, Guipúzcoa, Biscaia, A Rioxa, Huesca, Zaragoza, Barcelona, Xirona e Lleida. No caso de León, o risco de tormenta será aínda máis importante, e a alerta ascende a laranxa.
