Todas as probas realizadas polo Servizo Galego de Saúde (Sergas) deron negativo no cribado desenvolvido este fin de semana no municipio lucense da Pobra do Brollón, un dos tres concellos galegos que se suman este luns o nivel máximo de restricións, no que xa estaba Soutomaior.
O xerente da área sanitaria de Lugo, A Mariña e Monforte de Lemos, Ramón Ares, recordou que foron citadas para ser sometidas a probas PCR un total de 300 persoas, con idades comprendidas entre 30 e 70 anos.
Finalmente, a participación no cribado "foi alta", dado que acudiron a facerse as probas 222 persoas, case un 75% da poboación citada —108 o venres e 113 o—sábado .
Todas elas deron negativo, precisou Ares, quen agradeceu, en declaracións aos medios de comunicación, a alta participación dos veciños deste municipio da zona sur de Lugo.
"Estamos contentos", engadiu, "pola participación e porque todas as probas deron negativo".
A Consellería de Sanidade decidiu o pasado venres establecer o nivel máximo de restricións —que supón o peche perimetral do municipio e dos locais de hostalería, entre outras limitacións— nas localidades de Boborás, A Mezquita e Pobra de Brollón, unha medida que entra en vigor este luns, e que xa estaba implantada en Soutomaior.
