A comunidade volveu rexistrar na madrugada deste martes movementos sísmicos, apenas perceptibles para a poboación. Na provincia de Lugo, o tremor tivo lugar no concello de Taboada, segundo a información divulgada polo Instituto Xeográfico Nacional. Cunha magnitude de 1,5, produciuse ás 03.40 hora local.
Pouco despois, ás 10.08 tiña lugar outro terremoto afastado de terra, no Atlántico, pero próximo á costa galega. Neste caso, de magnitude 3,1.
