O xuízo que se tiña que celebrar este luns na Sección Segunda da Audiencia Provincial de Lugo contra un empregado de banca e un funcionario do Concello de Carballedo por estafa e apropiación indebida foi suspendido por terceira vez, neste caso por contaxio por Covid-19 dun dos procesados.
O motivo do adiamento, aínda non se sinalou data para o xuízo, debeuse a que o traballador do Concello non puido acudir ao dar positivo por covid-19.
A Fiscalía pide nove anos ao empregado de banca, un veciño de Chantada, e dous anos para o funcionario. Ao primeiro acúsaselle de facer máis de 130 operacións ilegais por un importe de 93.000 euros, agora Abanca reclámalle 84.000 euros tras devolver o resto.
Pola súa banda, ao funcionario do Concello de Carballedo atribúeselle haberse quedado con 30.000 euros, aínda que xa devolveu todo. A nova suspensión do xuízo prodúcese cando se ultimaba un acordo de conformidade das partes, polo que non entrarían no cárcere.
O principal obstáculo é a acusación particular. O avogado do funcionario, Miguel Caraduje, confirmou a suspensión e tamén constatou que "en parte está canalizado o acordo". "Nós chegariamos a un acordo, o problema é a acusación particular de Abanca, que non está por ese acordo mentres o outro acusado non satisfaga a responsabilidade civil", explicou.
ATENUANTES. O cliente de Caraduje satisfixo "todas as responsabilidades civís e aplicaríaselle os atenuantes da reparación do dano e unha atenuante de dilacións polo tempo transcorrido", comentou.
Os feitos remóntanse "ao ano 16 e 17" na localidade de strong <>Castro de Carballedo e na que se viron afectados decenas de veciños destes municipios e concellos limítrofes.
O avogado do empregado de banca, Alejandro