Os socialistas de Pantón reclamaron unha mellor cobertura no centro de saúde da localidade, coa asistencia de tres facultativos de luns a venres. Fixérono á espera da reunión do alcalde da localidade, José Luís Álvarez, coa Consellería de Sanidade, segundo informan nun comunicado.
Sobre estas demandas, afirman que seguirán "pelexando para atopar unha solución á carencia de médicos no municipio". Ademais, apoian as reclamacións dos veciños ata que se cubran os facultativos solicitados.
