jueves. 27.02.2020 |
El tiempo
jueves. 27.02.2020
El tiempo

Sober contará co seu propio 'glamping' a tres quilómetros dos canóns do Sil

Cabana en Outes similar á que prevén construír en Sober. EP
Cabana en Outes similar á que prevén construír en Sober. EP
Un empresario local construirá cinco cabanas asentadas sobre árbores equipadas con cociña, jacuzzi, terraza, calefacción e aire acondicionado

O municipio lucense de Sober contará a partir de 2021 co seu propio glamping, un lugar no que os visitantes poderán aloxarse en plena natureza en cinco cabanas asentadas sobre outros tantas árbores, a só tres quilómetros dos canóns do Sil. Segundo informou o propio Concello, o proxecto 'Cabanas do Sil' é unha iniciativa do empresario local Rubén Vázquez, que acaba de iniciar os traballos para a construción do glamping no lugar de Santa Marta, na parroquia de Barantes.

As cinco edificacións ecolóxicas serán construídas integramente en madeira sobre as árbores, pero aínda así disporán "de todas as comodidades", dado que van equipadas con cociña, jacuzzi, calefacción e aire acondicionado, ademais de dispor dunha terraza. O complexo tamén inclúe a construción dun edificio dedicado a recepción e lavandería.

As cabanas, que terán capacidade para acoller a un total de 14 persoas, están situadas nun bosque autóctono de carballos e castiñeiros centenarios, a só tres quilómetros dos canóns do Sil, na Ribeira Sacra. O seu promotor asegura que a construción se fará respectando a paisaxe sobre unha parcela de 12.000 metros cadrados e un investimento de 300.000 euros. 

Sober contará co seu propio 'glamping' a tres quilómetros dos...
Comentarios