O xerente da área sanitaria de Lugo, Ramón Ares, anunciou que a finais desta semana realizarase un cribado poboacional en Monforte.
Un total de 4.500 veciños de entre 30 e 60 anos serán avisados vía SMS para realizar as probas PCR.
Polo momento non se determinou o lugar onde se levará a cabo o cribado, que se realizará durante dous días, probablemente venres e sábado.
"Todos estes cribados poboacionais teñen o obxectivo de detectar posibles positivos en persoas asintomáticas ou sas", apuntou o xerente da área sanitaria de Lugo.
