A xogadora do Korbis Carla Hernández Martín foi chamada pola selección española para pasar tres días de adestramento en Soria. Na cidade castelá estará baixo a supervisión dos adestradores da Federación dentro dun programa de sesións enmarcado no Plan Nacional 2025, pensado para novas promesas do voleibol.
Carla Hernández atópase en idade cadete e xoga como colocadora. A súa experiencia en Soria arrinca este venres e prolongarase ata o vindeiro domingo. Desde o Korbis trasladaron as súas felicitacións á deportista e expresaron a súa felicidade por que a Federación Española de Voleibol fixouse nunha dos seus integrantes para estas xornadas.
