Sanidade suaviza as restricións en Monforte 

O comité clínico de expertos que fai seguimento e evolución do covid-19 en Galicia acordou suavizar as restricións especiais –peche perimetral e clausura da hostalería– en Monforte, Verín, Amoeiro, Coles, Trazo, Boqueixón, Val do Dubra e Campo Lameiro. Nestes concellos rexerán as medidas de nivel 2. 

Esta é a principal decisión adoptada tras a reunión mantida este martes polo conselleiro, Julio García Comesaña, xunto aos expertos que conforman o mencionado órgano.

Estes especialistas determinaron, por contra, incorporar ao concello de Moaña ás restricións especiais.

Aparte, nas localidades de Ribeira, Petín, A Rúa, Dumbría e A Lama haberá unha "observación específica" das súas respectivas evolucións epidemiolóxicas.

Todas estas medidas serán publicadas este mércores no Diario Oficial de Galicia (DOG) e entrarán en vigor a partir da medianoite.