O xerente da área sanitaria de Lugo, A Mariña e Monforte de Lemos, Ramón Ares, confirmou que un “incremento no número de casos” na zona sur da provincia, como consecuencia dos “restos dun brote” cuxos casos “están totalmente acoutados”.
En declaracións a Efe, Ares confirmou que, neste momento, a incidencia "a sete días" é de "87 por cada 100.000 habitantes”, con 16 casos, mentres que “a catorce días, son 22 casos, o que equivale a 120 por cada 100.000 habitantes". A pesar de todo, sostén que a situación na zona sur da provincia de Lugo "é estable".
Eses casos están relacionados "cos restos dun brote que veu da zona de Ourense", pero se corresponden con xente “que xa estaba en corentena, en seguimento, de modo que son casos totalmente acoutados”. "Son poucos, polo que a situación é estable na zona sur", insistiu.
En canto á presión asistencial, aclarou que “hai tres pacientes ingresados” nas unidades de hospitalización e ningún procedente desa zona da provincia na unidade de coidados intensivos do Hula.
