Un home resultou este domingo ferido en Taboada e tivo que ser trasladado ao complexo hospitalario Lucus Augusti (Hula) de Lugo tras sufrir un accidente co seu tractor. Fontes sanitarias confirmaron a este diario que a vítima recibiu o alta pola tarde, ao non presentar feridas de carácter grave.
O suceso ocorreu ao redor das 12.15 horas nunha leira particular situada na parroquia de Castelo. Debido á dificultade do terreo mobilizouse un helicóptero medicalizado que, finalmente, non tivo que intervir, aínda que chegou a aterrar. Para iso, necesitouse axuda dos GES de Monterroso.
