A comisión de traballo encargada de organizar a Feira do Viño de Quiroga elixiu a fin de semana do 24 e o 25 de xullo como data para o evento. No municipio asumen que este ano tampouco se poderá celebrar a cita na súa época habitual, a Semana Santa.
En condicións normais, a feira do viño quiroguesa tería que levar a cabo o 3 e o 4 de abril. A comisión organizadora –da que forman parte representantes do Concello, os viticultores e a Confraría do Viño– non quere que esta data pase desapercibida e pensa en actividades alternativas.
A próxima edición do evento marcará un antes e un despois, pois estará aberta non só a pequenos viticultores, senón tamén ás adegas industriais da subzona de Ribeira Sacra Quiroga-Bibei.
Ademais estanse preparando homenaxes a todos os adegueiros que pasaron pola feira nas súas 39 edicións.
