A presentadora de televisión Carlota Corredera será a encargada de ler o pregón da nova edición da Feira do Viño de Quiroga.
Así o anunciou a propia Corredera no programa Sálvame: "Gustaríame compartir convosco que vou facer algo que xa fixeron Kiko —Kiko Hernández—, Lydia —Lydia Lozano—, Paz Padilla e outros compañeiros de Telecinco; e é que o vindeiro sábado, 31 de marzo, vou estar en Quiroga porque vou ser a pregoeira da Feira do Viño".
A presentadora asegurou que lle fai "moita ilusión" abrir a festa e visitar unha zona "marabillosa" que aínda non coñece. "Grazas ao pobo de Quiroga por contar comigo", engadiu.