viernes. 25.09.2020 |
El tiempo
viernes. 25.09.2020
El tiempo

O PP reclama a Renfe uns servizos ferroviarios "dignos" para Galicia

Cargos do PP que se reuniron no mediodía deste domingo na estación do tren monfortina. L.A.R.
Cargos do PP que se reuniron no mediodía deste domingo na estación do tren monfortina. L.A.R.
Cargos populares nos parlamentos de Galicia e de Castela e León, deputados, senadores e alcaldes reuníronse na estación de Monforte

O Partido Popular de Galicia denunciou "a dramática situación" que padece o servizo ferroviario no territorio. Os populares reclaman unha atención "digna" para os usuarios, pois consideran que esta é inexistente" por unha falta de interese do Goberno central para mellorar as infraestruturas de comunicación galegas.

á decisión de Renfe de suprimir o servizo de venda presencial de billetes nalgunhas estacións, e aos continuos incidentes que hai en liñas como a que conecta Vigo con León a través de Monforte súmanse, destacaron desde o PP, novos atrasos para a posta en servizo da Ave cara a Madrid.

Os populares aseguran que circulan trens cunha antigüidade de 35 anos que carecen da atención necesaria para funcionar

A presidenta do PP de Lugo, Elena Candia, xunto co vicesecretario de participación do PP, Jaime de Olano, e unha ampla representación de deputados e senadores galegos, ademais de dirixentes do PP de León, reuníronse na estación do ferrocarril de Monforte con numerosos alcaldes afectados tanto polas interrupcións no servizo de trens como polo peche de despachos de billetes para expedir billetes. Escenificaron así o seu total e rotundo rexeitamento á situación que se vive tanto a nivel do estado da rede ferroviaria, en mans de Adif, como no referente á súa xestión, a cargo de Renfe.

O parlamentario ourensán Celso Delgado asegurou que en Galicia hai trens que levan 35 anos funcionando e que, por iso, as avarías son constantes. "O material está obsoleto e iso provoca atrasos e cancelacións", afirmou á vez que falou da falta de maquinistas e aos inexistentes protocolos de atención ao pasaxeiro cando se producen incidentes.

Delgado anunciou que o PPdeG e os seus compañeiros de León presentarán unha batería de iniciativas no Congreso e nos parlamentos autonómicos en defensa duns servizos ferroviarios "dignos".

Nese sentido, Celso Delgado manifestou que esta semana se soubo que a Ave galego non estará listo para o Xacobeo. "Trátase dun novo ataque a esta terra", lamentou, ao que engadiu os atrasos nas autovías pendentes, como a Ourense-Ponferrada por Monforte ou a de Lugo a Ourense.

INCIDENTE. Este domingo, ás cinco da tarde, quedou interrompido o servizo ferroviario entre Monforte e Ourense debido a unha avaría que padeceu un tren rexional entre a zona dos Peares e Santo Estebo.

Víronse afectados 33 viaxeiros directamente, pero houbo atrasos noutras composicións.

O PP reclama a Renfe uns servizos ferroviarios "dignos" para Galicia
comentarios