O operativo despregado pola Policía Nacional en Monforte para atopar un veciño de 45 anos desaparecido concluíu finalmente coa salvación do home, que padece depresión e intentara suicidarse. Foi a súa propia muller quen o pasado mércores deu a voz de alarma. Segundo indicou, o seu marido ausentouse sobre as 16.00 horas do seu domicilio, sen levar as chaves, nin o seu móbil, nin documentación que acreditase a súa identidade.
Preocupada, advertiu ás autoridades de que o seu esposo se atopaba en tratamento psiquiátrico diagnosticado por depresión e xa atentara contra a súa vida en diversas "ocasións". Temía que a súa desaparición se debese a un novo intento de suicidio, segundo explica a Comisaría Provincial de Lugo nun comunicado.
A Policía iniciou unha procura "intensiva" polas zonas frecuentadas por esta persoa e logrou localizalo nun cuarto sen fiestras e escuro na contorna dunha fábrica de embutido abandonada. O home atopábase inconsciente, tirado no chan, e á súa beira tiña unha mochila con medicamentos e unha botella de auga baleira, "con sintomatoloxía de telos inxerido".
"Ante o evidente perigo pola súa vida activáronse urxentemente os servizos médicos, realizando polos axentes alí presentes uns primeiros auxilios de asistencia ata a chegada da ambulancia, que o trasladou ao Hospital Comarcal de Monforte de Lemos e posteriormente ao Hospital Universitario Lucus Augusta de Lugo", indicou a Policía.
