Boas noticias na residencia Domus VI de Chantada. Nos últimos días realizáronse 285 probas de coronavirus entre usuarios e persoal do centro de maiores. Segundo confirmou a dirección, todas deron negativo.
Había certa preocupación entre os familiares de residentes polo positivo dunha médica e un usuario hai unhas semanas. A facultativa foi dada de alta e incorporouse ao seu traballo. O ineterno atópase aínda en illamento, pero ao facérselle a última proba deu tamén negativo.
Desde a dirección mostraron o seu agradecemento a Domus VI pola axuda e mostráronse encantados cos esperanzadores resultados. Así mesmo, recordaron que na residencia levan a cabo cada 72 horas labores de desinfección das instalacións.
A residencia de Chantada conta con 191 usuarios e 94 persoas en persoal.