A Federación Rural Galega (Fruga) e o Sindicato Labrego Galego (SLG) pediron a declaración de strong <>zona catastrófica para as zonas afectadas pola saraiba, que provocou en municipios como Chantada importantes perdas en viñedos.
Nun comunicado, Fruga sostén que estes danos "supoñen unhas perdas económicas importantes para unhas explotacións que xa están ao límite da súa capacidade de resistencia no contexto da crise económica e de restricións".
"Hai que ter en conta, ademais, que estes danos non supoñen, na maior parte dos casos, perdas na colleita actual senón tamén danos nas infraestruturas das explotacións, e o máis importante: danos nas plantas que se traducirán na necesidade de repor moitas delas ou sometelas a un proceso de saneamento e recuperación que afectará a súa produtividade nas próximas colleitas".
á xornada vivida o mércores, con danos nos viñedos na Ribeira Sacra, suma os de días anteriores noutros territorios como "Terra Chá, o Eume, o centro e montaña de Lugo...", cita como exemplos.
Ver máis: Un forte granizada causa estragos nos viñedos en Chantada
Por todo iso, demanda unha "acción decidida" da Consellería de Medio Rural e a aprobación de axudas "como pode ser a declaración de zona catastrófica". Tamén reclama ao departamento autonómico que se poña a disposición o persoal necesario para avaliar os danos para "acordar" coas organizacións as axudas.
Na mesma liña, o SLG insta á Consellería de Medio Rural a que, con carácter de urxencia, realice unha avaliación dos danos no concello de Chantada, "que arrasaron unha das principais zonas produtoras de uva da denominación de orixe Ribeira Sacra, especialmente a parroquia de San Fiz e outras veciñas".
Tamén solicita axudas para "paliar os danos e as perdas sufridas" xa que, apunta que "aos ingresos de todo un ano, súmase as perdas acumuladas debido ao estado de alarma e o peche da hostalería".
Á súa vez, reclama a elaboración dun rexistro de afectados e da superficie real danada pola saraiba, ademais doutros colaterais en adegas, instalacións e outros cultivos e sectores agrogandeiros.
Tamén se sumou a esta petición Ana Pontón, portavoz do BNG. "Toca que desde a Administración estéase á altura para axudar a superar este revés que ten un impacto económico evidente, por iso urxen axudas para que este desastre non supoña a ruína de ningún produtor ou adega na comarca", recalcou desde a comarca de Valdeorras.
Á súa vez, o portavoz de Agricultura do grupo socialista no Parlamento galego, Martín Seco
En concreto, pide axudas directas, sen descartar, que logo de analizar a situación, póidase solicitar a declaración de zona catastrófica nas zonas afectadas.
TÉCNICOS. A Xunta desprazará este venres técnicos da Estación Experimental de Viticultura e Enoloxía (Evega) á localidade lucense de Chantada para asesorar, en coordinación co persoal das oficinas agrarias comarcais (OAC), aos viticultores afectados por strong <>a forte saraiba caída o mércores.
Este xoves, técnicos da Consellería de Medio Rural fixeron un primeiro percorrido pola zona e constataron que nunha superficie de preto de 60 hectáreas da parroquia de San Fiz as vides quedaron sen follas nin acios
Así o trasladou o conselleiro de Medio Rural, José González, que, segundo informa o departamento autonómico, comprobou os danos causados pola saraiba neste concello. Segundo apuntou, estes profesionais encargaranse de orientar aos produtores prexudicados sobre os tratamentos que deben levar a cabo nos viñedos con maior celeridade e sobre as prácticas máis aconsellables, co obxecto de minimizar as perdas.
Este xoves, técnicos da Consellería de Medio Rural fixeron un primeiro percorrido pola zona e constataron que nunha superficie de preto de 60 hectáreas da parroquia de San Fiz as vides quedaron sen follas nin acios e que tamén houbo afectación, aínda que en menor medida, noutras parroquias deste concello e no do Saviñao.
Na súa visita, o conselleiro comprometeu "todos os mecanismos ao alcance do Goberno galego para que técnicos especializados poidan asesorar convenientemente aos viticultores na recuperación dos viñedos danados".
Por outra banda, aproveitou para facer un chamamento ao conxunto dos produtores galegos para que se acollan á orde de axudas que convocou a Xunta en xaneiro para fomentar os seguros agrarios. Nesa liña, insistiu na necesidade de asegurar os cultivos fronte a incidentes deste tipo, recordando que os danos en explotacións debido a fenómenos meteorolóxicos extraordinarios están cubertos polas pólizas agrarias.
