Cinco persoas resultaron feridas na madrugada do venres ao sábado en Chantada ao saírse da vía o turismo no que circulaban. O accidente ocorreu na LU- P-1807, á altura da parroquia de Brigos, ao redor das 00:55 horas.
Foi a Policía Local quen alertou do sinistro ao 112 Galicia e, enseguida, o persoal do Centro Integrado de Atención ás Urxencias (CIAE) 112 Galicia puxo a situación en coñecemento do 061-Urxencias Sanitarias, da Garda Civil de Tráfico e da Agrupación de Voluntarios de Protección Civil de Chantada.