Os traballadores da piscina municipal de Monforte anunciaron un paro técnico que terá lugar este xoves, de 18.00 a 20.00 horas. O motivo que esgrimen son a suposta falta de pagamentos por parte da empresa concesionaria da xestión das instalacións de A Pinguela, Alacer Lecer e Deporte.
Segundo sinalou o delegado de persoal do sindicato Comisións Obreiras na piscina, Alberto Martín
"Co paro técnico queremos dar un toque de atención para que esta situación non vaia a máis. Entendemos que non hai falta de vontade da empresa, pero todos temos que facturas que pagar e, algúns, fillos que manter", valorou o representante sindical.
Entre os traballadores afectados por estes falta de pagamentos hai monitores, socorristas, persoas encargadas da limpeza ou xente de recepción, entre outro tipo de persoal. Non só eles participarán no paro. A previsión de Comisións é que este xoves apoien a protesta unhas 50 persoas.
A concentración levará a cabo xusto diante das instalacións deportivas da Pinguela, na estrada de Sober. A franxa horaria elixida para deter a actividade é unha da de máis concorrencia de usuarios. "Hai unha chea de cursos e xente que vén ás instalacións que se vai ver afectada e pola que o sentimos moito, pero temos que facer algo", subliñou Alberto Martín Fernández.
O representante sindical afirmou que notificaron tanto ao Concello como á empresa a súa decisión de cesar momentaneamente a actividad. Polo momento, asegurou, non houbo reaccións de ningún tipo.
