O Parador de Monforte volverá recibir clientes o próximo día 25, tras permanecer pechado desde o pasado 15 de marzo debido á pandemia de Covid-19. A cadea pública ha anunciado que reiniciará a actividade de todos os seus establecementos ao mesmo tempo.
O obxectivo de Paradores é "converterse no destino turístico máis seguro para velar pola seguridade dos seus empregados e clientes". O presidente da cadea hostaleira, Óscar López, sinalou que se reforzaron os protocolos de hixiene e limpeza e establecido medidas de distanciamento físico.
Desde Paradores destacaron que ao estar a maioría dos seus espazos "en lugares apartados, lonxe do turismo masificado" e por ser a maioría dos seus hoteis "medianos ou pequenos" facilítase o desenvolvemento "rigoroso" de controis de seguridade e hixiene para converter os establecementos "no lugar turístico máis seguro onde poder gozar dunhas vacacións".
