O PP desliza que os catamaráns da Ribeira Sacra navegaron sen os permisos necesarios

O responsable de Turismo da Deputación ameaza aos populares con denuncialos se non rectifican

Un catamarán en Doade. TOÑO PARGA
photo_camera Catamarán en Doade. TOÑO PARGA

O PP sementou dúbidas este martes sobre se os catamaráns da Ribeira Sacra navegaron entre os meses de febreiro e outubro con todos os permisos necesarios.

O deputado popular Juan Carlos Armesto fixo referencia ata a cinco notificacións que enviou a Confederación Hidrográfica á Deputación na que lles advertía de que os barcos, que a pasada tempada transportaron a unhas 60.000 persoas, o fixeron sen ter as revisións técnicas necesarias, nin os permisos, nin os seguros necesarios para facelo.

Pola súa banda, a responsable da área de turismo, Eduardo Vidal, negou as acusacións e ameazou con denunciar ao representante do PP se non rectifica.

Comentarios