jueves. 17.10.2019 |
El tiempo
jueves. 17.10.2019
El tiempo

A moza desparecida de Prodeme contactou por WhatsApp coa súa familia

Foto de Lucía na súa Facebook. EP
Foto de Lucía na súa Facebook. EP
Todo apunta a que se trata dunha marcha voluntaria de Lucía Montero, que está cun mozo da súa idade

A moza de 30 anos residente de luns a venres na residencia de discapacitados intelectuais Prodeme de Monforte contactou, segundo puido saber este diario, coa súa familia, residente en Lugo, localidade da que ela é oriúnda e á que acudía a pasar todos os fins de semana. Indicou nunhas mensaxes de WhastsApp que se atopaba ben e que non se preocupasen por ela.

Todo apunta a unha marcha voluntaria da moza, Lucía Montero García, quen colgou algunha fotografía en redes sociais en compañía dun mozo que vive no poboado chabolista das Lamas, preto da residencia de Prodeme.

A Policía Xudicial intenta localizar o paradoiro da moza a través do sinal do seu teléfono móbil, máxime cando a súa familia, a pesar de que Lucía Montero diga que se atopa ben, non quixo retirar a denuncia.

Lucía, de 1,70 metros de estatura, complexión delgada, pelo louro, ollos azuis, lentes graduadas que usa ás veces e cunha tatuaxe na man dereita e no pescozo, foi botada en falta hai xustamente unha semana, cando non foi a casa da súa familia en Lugo.

A moza desparecida de Prodeme contactou por WhatsApp coa súa familia