O Concello de Sober segue sumando anciáns centenarios e na actualidade o municipio conta con once persoas -sobre un padrón de pouco máis de 2.300 habitantes- que xa superaron un século de vida.
De feito, case un 0,5% da poboación deste pequeno municipio da Ribeira Sacra supera os cen anos de idade.
Segundo informou o propio Concello de Sober, a última en sumarse a esa lista de anciáns centenarios é Milagros Doamo Bouza, do lugar de Rodiz, na parroquia de Vilaescura, que cumpriu cen anos este domingo, 15 de setembro.
O Concello de Sober felicitouna oficialmente e o alcalde da localidade, Luís Fernández Guitián, achegouse para acompañala a ela e á súa familia con motivo do seu aniversario.
